जिल्हा परिषदेच्या शिक्षक व शिक्षकेत्तर कर्मचार्यांना नोव्हेंबर चे वेतन वेळेवर होण्याचा मार्ग मोकळा..!
शासकीय परिपत्रक 2021 : सरकारी कर्मचाऱ्यांच्या वेतना संदर्भात आनंदाची बातमी आहे. मा उपसंचालक यांचे प्रती मुख्यकार्यकारी अधिकारी जिल्हा परिषद सर्व यांचे प्रती एक पत्र निर्गमित झाले आहे. यानुसार खालील प्रमाणे सूचना करून अनुदान वितरीत करण्याचे आदेश देण्यात आले आहेत.( BudgetForNovembersalary )
सदर परिपत्रकानुसार सन २०२१ २०२२ या आर्थिक वर्षातील माहे ऑक्टोबर व नोव्हेंबर २०२१ या महिन्याचा वेतनवभत्ते, निवृत्तीवेतन, उपदान या बाबीचा खर्च भागविण्यासाठी शासनाने संचालनालयाच्या स्तरावर उपलब्ध करुन दिलेल्या तरतूदीच्या अधीन राहून प्राथमिक शिक्षण संचालनालय, महाराष्ट्र राज्य, पुणे यांचेकडून खालील लेखाशिर्षाखाली सोबत जोडलेल्या तक्त्यात दर्शविलेल्या तरतूदी संबंधित मुख्य कार्यकारी अधिकारी, जिल्हा परिषदा यांना खर्च करण्यास अनुमती देण्यात येत आहे.
सदर अनुदानामधून ७ व्या वेतन आयोगाचा २ रा हप्ता अदा करण्यात येऊ नये.
अ) ज्या उद्देशासाठी अनुदान मंजूर आहे. त्या व्यतिरिक्त इतर उद्देशासाठी खर्च करता येणार नाही.(BudgetForNovembersalary)
आ) सदर खर्चाचा प्रगती अहवाल मासिक निधी विवरणपत्रानुसार संबंधित अधिका-यांने लेखाशिर्षनिहाय कोषागार प्रमाणक क्रमांक व दिनांकासह दरमहा १० तारखेपर्यंत सादर करावा. तसेच खर्चमेळाचा त्रैमासिक अहवाल विहित प्रपत्रात नियमितपणे सादर करावा.
इ) वेतन अनुदानाची थकबाकी अदा करताना अनुक्रमांक ४ नियम ३९ (ब) टिप-४ अनुक्रंमाक ५ नियम ३९(ब) टिप ५ तसेच अनुक्रमांक ६ नियम ४० प्रमाणे सक्षम प्राधिका-यांची मान्यता घेऊन अनुदान अदा करावे.
ई) संदर्भ क्रमांक ३ च्या शासन निर्णयतील मुद्या क्रमांक २२ प्रमाणे वेतन देयक अदा करण्याची कार्यवाही करावी.
