राज्यातील इयत्ता पहिली ते आठवीच्या विद्यार्थ्यांचे दप्तराचे ओझे कमी करण्यासाठी शासनाकडून विविध उपाययोजनांची अंमलबजावणी सुरू झाली आहे. विद्यार्थ्यांना एकात्मिक पद्धतीने चार भागांत पुस्तके वाटप होणार आहेत. सर्व विषयांचा एकत्र समावेश असलेले एक पुस्तक तीन महिन्यांच्या अभ्यासक्रमासाठी असेल. पाठ्यपुस्तकांतच वह्यांची पानेही दिलेली आहेत.
दरम्यान शाळांना ३० जूनपासून सुरवात होणार आहे. स्थानिक स्वराज्य पाठ्यपुस्तकाचे वाटप होणार आहे. यंदापासून विद्यार्थ्यांना नव्या रचनेत पुस्तके उपलब्ध झालेली आहेत. विद्यार्थ्यांसाठी सर्व विषयांच्या तीन-तीन महिन्यांच्या अभ्यासक्रमाची विभागणी करण्यात आली आहे. यानुसार वर्षभरासाठी एकूण चार पुस्तके आहेत.
यंदा पुस्तकातच वही असणार
पाठ्यपुस्तकांमध्येच वह्यांच्या पानांचाही समावेश करण्यात आल आहे. माझी नोंद या शीर्षकाखाली ही पाने आहेत. या पानांचा वापर २१ प्रकारच्या नोंदी करण्यासाठी वापर करता येणार आहे.
समूह साधन केंद्रावरून शाळांना पुस्तकांचे वाटप सुरू करण्यात येणार आहे. शाळेच्या पहिल्याच दिवशी विद्यार्थ्यांना समारंभपूर्वक पुस्तकांचे वाटप करण्यासह अन्य महत्त्वाच्या सूचना मुख्याध्यापकांना दिल्या आहेत.