राज्यातील शाळा ऑक्टोबर महिन्यापासून सुरू होणार! मार्गदर्शक सूचना जारी.

शैक्षणिक अपडेट्स : राज्यातील ऑक्टोबर महिन्यापासून शाळा सुरू करण्यात येणार असून मुख्यमंत्री उद्धव ठाकरे यांनी हिरवा कंदील दाखवला आहे. याशिवाय उपमुख्यमंत्री अजित पवार यांनी ही यास दुजोरा दिला आहे.शालेय शिक्षण विभागाने मुख्यमंत्री ठाकरे यांच्याकडे शाळा सुरु करण्यास परवानगी मागितली होती. पालक आणि विद्यार्थ्यांकडून शाळा सुरु करण्याची मागणी करण्यात येत होती. आज अखेर ही मागणी पूर्ण करण्यात झाली असून पुढील महिन्यात ४ ऑक्टोबर पासून शाळेची घंटा नक्की वाजणार आहे.

शाळा करणे बाबत चाइल्ड टास्क फोर्स सकारात्मक!

कोरोनाचा प्रादुर्भाव पाहता त्यासोबत तिसऱ्या लाटेची शक्यता पाहता, राज्यातील शाळा सुरू करण्याबाबत अनेक वेळ शाळा सुरु करायचा घेतलेला राज्य शासनाला माघे घ्यावा लागला होता. आता मात्र शाळा सुरू करण्याबाबत राज्य सरकराने नेमलेले तज्ज्ञ डॉक्टरांच्या चाइल्ड टास्क फोर्स सकारात्मक असून कोरोना स्थिती नियंत्रणमध्ये राहिल्यास दिवाळीनंतर शाळा सुरू करण्यास त्यांनी हिरवा कंदील दाखवला होता.

दरम्यान गणेशोत्सव काळात कोरोनाचे आकडे फारसे वाढलेले दिसत नाहीये. कोरोना स्थितीचा आढावा घेऊन सोबतच दिवाळी सारख्या मोठ्या सणाच्या दरम्यान कोरोना परिस्थिती पाहून दिवाळीनंतर शाळा सुरू करण्यास हरकत नसल्याचे चाइल्ड टास्क फोर्स सदस्य डॉ. बकुळ पारेख सांगितले होते. त्यानंतर आता 4 ऑक्टोबरपासून शाळा सुरु करण्यास शासनाकडून परवानगी दिली आहे.

पूर्वतयारी करण्यासाठी मार्गदर्शक सूचना जारी

शाळा सुरू करण्यापूर्वी याआधी ज्या मार्गदर्शक सूचना दिल्या गेल्या आहेत त्याबाबतची तयारी शिक्षण विभागला करायची आहे.

शाळेत सोशल डिस्टन्सिंग पाळणे, शिक्षक शिक्षकेत्तर कर्मचाऱ्यांचे लसीकरण पूर्ण करणे, शाळा सॅनिटाइज करणे, शाळेत आरोग्य कक्ष तयार ठेवणे अशी तयारी शिक्षण विभागाला या दरम्यान पूर्ण करायची आहे. टास्क फोर्स किंवा राज्य सरकारच्या शाळा सुरू करण्याबाबत दिलेल्या मार्गदर्शक सूचना या जिल्हास्तरावर कोरोना परिस्थितीचा आढावा घेऊन पाळायच्या आहेत. 

त्यामुळे स्थानिक कोरोना परिस्थितीचा विचार करून त्यानुसार शाळा सुरू करण्याबाबतचा नियोजन जिल्हाधिकारी, आयुक्त यांच्या आदेशानुसार होईल. शिक्षण विभागाने लसीकरण पूर्ण झालेल्या शिक्षकांचा डेटा मागवला असून शाळा सुरू करण्याबाबतची तयारी सुरू ठेवली आहे. सोबतच मुंबई महापालिका शिक्षण विभाग सुद्धा शाळा सुरू करण्याबाबतच्या तयारीचा नियोजन करत असल्याचे सांगितले जात आहे.