शासनाच्या विविध उपक्रम किंवा महत्वाची कामे शिक्षक मंडळी कडून करून घेतली जातात. यामध्ये निवडणुकांची कामं किंवा जनगणनेच्या कामाचा प्रामुख्याने उल्लेख होतो. मात्र आता चक्क शिक्षकांना चहा वाटपाच्या नियोजनाची जबादारी दिली असून या संदर्भातील एक परिपत्रक सुद्धा जारी कारण्यात आहे. सदर परिपत्रका नुसार शिक्षकांवर गणपती उत्सवासाठी येणाऱ्या चाकरमान्यांना चहा वाटपाच्या नियोजनाच्या कामची जबाबदारी देण्यात आली आहे. शिक्षकांना चहा हा एसटी आगारात वाटायचा आहे. याबाबत रत्नागिरी जिल्हा प्रशासनाने आदेश काढले आहेत. सदर प्रकारावर अनेक शिक्षकांनी नाराजी व्यक्त केली असून विरोधक या निर्णया बाबत सरकारवर कडाडून टीका करीत आहेत.
निर्णयाला शिक्षक संघटनांनी नोंदवीला आक्षेप….!
रत्नागिरी जिल्ह्यातल्या राजापूर आगारात तालुक्यातील 39 शिक्षकांची ड्युटी लावण्यात आली आहे. दररोज तीन शिक्षक हे किमान आठ आठ तास एसटी आगारात ड्युटी करणार असून, राजापूर तालुक्यात जवळपास 850 शिक्षकापैकी 39 शिक्षकांची ड्युटी राजापूर आगारात लावण्यात आली आहे. हा निर्णय प्रांत आणि तहसीलदारांच्या आदेशानुसार घेण्यात आल्याचे राजापूर पंचायत समितीचे गटशिक्षणाधिकारी एस. ए. कडू यांनी सांगितले आहे. मात्र, या निर्णयाला शिक्षक संघटनांनी आक्षेप घेतला आहे.
