शासन निर्णय

राज्यातील विद्यार्थ्यांसाठी अत्यंत महत्त्वाची बातमी आहे.
शालेय शिक्षणाच्या अभ्यासक्रमात लवकरच नवीन कृषी विषयाचा समावेश होणार असून, तो विषय इयत्ता १ ली ते १० वी पर्यंतच्या अभ्यासक्रमाचा भाग असणार आहे. याबाबतचा प्राथमिक अहवाल आज शिक्षण विभागाने स्वीकारला आहे. याबाबत तज्ज्ञांची समिती नेमून अभ्यासक्रमाचा आराखडा निश्चित केला जाणार असल्याची माहिती राज्याचे कृषीमंत्री अब्दुल सत्तार यांनी माध्यमाशी बोलताना दिली आहे.

दरम्यान यासंदर्भातील रीतसर अहवाल आज मंत्री श्री. सत्तार यांनी शालेय शिक्षण मंत्री दीपक केसरकर यांच्याकडे सुपूर्द केला आहे. कृषी केंद्रीत आशयामुळे विदयार्थ्यांचे शेतीचे अध्ययन होऊन त्यांचा शेतीकडे विद्यार्थ्यांचा ओढा वाढावा यासाठी सदर विषयाचा समवेश अभ्यासक्रमात करण्यात आला आहे.

कृषी विषया अंतर्गत कृषी शिक्षणविषयक एकात्मिक आराखडा तयार करताना इयत्ता पहिली ते पाचवी, सहावी ते आठवी आणि नववी ते दहावी अशा पद्धतीने अभ्यासक्रम ठेवण्यात आला आहे . कृषी विषयक प्रशिक्षणासाठी जे जे साहित्य आणि मदत लागेल, ते कृषी विभागाकडून उपलब्ध करुन देण्यात येणार आहे.

राज्यातील कर्मचाऱ्यांसाठी मोठी आनंदाची बातमी आहे. मुख्यमंत्री एकनाथ शिंदे यांनी आज झालेल्या मंत्रिमंडळ बैठकी मध्ये “दिवाळी बोनस” जाहीर केला आहे. आज मंत्रालयात मुख्यमंत्री एकनाथ शिंदे यांच्या अध्यक्षतेखाली बैठक पार पडली. यावेळी खासदार राहुल शेवाळे, आयुक्त तथा प्रशासक डॉ. आय.एस. चहल, माजी आमदार किरण पावसकर आदी उपस्थित होते.

मुंबई महापालिकेतील चतुर्थ श्रेणी कर्मचारी, अनुदानित शाळांतील शिक्षक,शिक्षकेतर कर्मचाऱ्यांच्या बोनसबाबत बैठकीत चर्चा झाली. मुंबई महापालिकेचे कर्मचारी, शिक्षक, बेस्टचे कर्मचारी यांना २२ हजार ५०० रूपये दिवाळी बोनस देण्यात येणार येणार आहे. तर आरोग्य सेविकांना एक महिन्याचा पगार दिवाळी बोनस देण्यात येणार असल्याची घोषणा मुख्यमंत्री एकनाथ शिंदे यांनी केली. या निर्णयाचा मुंबई मनपाचे ९३ हजार, बेस्टचे २९ हजार कर्मचाऱ्यांसह, शिक्षक, आरोग्य सेविकांना होणार लाभ होणार आहे.

बार्टी, सारथी आणि महाज्योती या संस्थांच्या धर्तीवर खुल्या प्रवर्गातील आर्थिकदृष्टया दुर्बल घटकातील युवक-युवती व इतर उमेदवारांसाठी विविध उपक्रम, कार्यक्रम, इत्यादी राबविण्यात येवून व इतर माध्यमातूनही विद्यार्थी, युवक-युवती, इत्यादिंचा विकास घडविण्यासाठी, “अमृत” Academy of Maharashtra Research, upliftment and Training (AMRUT) या नावाने नवीन स्वायत्त संस्था स्थापन करण्यास मान्यता देण्यात आली आहे.

सदर संस्थेस स्थापन करण्यासाठी प्रस्ताव दि.२० ऑगस्ट, २०१९ रोजी झालेल्या मा.मंत्रीमंडळाच्या बैठकीत सादर करण्यात आला होता. मा.मंत्रीमंडळाने घेतलेल्या निर्णयानुसार सदरहू संस्था स्थापन करणे व त्याची नोंदणी करण्यास मान्यता देण्याची बाब शासनाच्या विचाराधीन होती.

महाराष्ट्र राज्यात अनेक सामाजिक घटकांच्या विकासाठी महामंडळे, संस्था राज्यात कार्यरत असून उपरोक्त प्रमाणे बहुजन, दुर्लक्षित आणि वंचित घटकांसाठी महात्मा ज्योतिबा फुले यांच्या नावाने “महात्मा ज्योतिबा फुले संशोधन व प्रशिक्षण संस्था (महाज्योती) [Mahatma Jyotiba Phule Research and Training Institute (MAHAJYOTI)]” ही नवीन संस्था

स्थापन करण्यास व तिची नोंदणी करण्यास मा. मंत्रिमंडळाने दि. ३०.७.२०१९ रोजीच्या बैठकीमध्ये मान्यता दिली, त्यानुसार दि.०८.०८.२०१९ रोजी शासन निर्णय निर्गमित करण्यात आला होता. सदर संस्थेचे मुख्यालय पुणे येथे राहील.