राज्यातील शिक्षणसेवकांसाठी आनंदाची बातमी आहे. राज्य सरकारने शिक्षणसेवकांच्या मासिक मानधनात वाढ करणार असल्याचा निर्णय नुकत्याच झालेल्या मंत्रिमंडळ बैठकीत घेतला आहे. शिक्षणसेवकांच्या मासिक मानधनात वाढ करण्यासंबंधीचा जीआर काल (ता. 7 फेब्रुवारी) काढण्यात आला आहे.
राज्य सरकारने केलेल्या या घोषणेनंतर राज्यातील हजारो शिक्षणसेवकांच्या मानधनात झालेली वाढ ही 1 जानेवारी 2023 पासून लागू होणार आहे. मानसिक मानधनामध्ये झालेली ही वाढ लागू झाल्याने शिक्षणसेवकांच्या मानधनात किती वाढ होणार आहे, राज्यातील प्राथमिक आणि उच्च प्राथमिक शिक्षण सेवकांचं मानधन यापूर्वी 6 हजार रुपये होते ते आता 16 हजार रुपये केलं आहे.
राज्यातील माध्यमिक शाळांमध्ये शिकविणाऱ्या शिक्षणसेवकांचं मासिक मानधन 8 हजार रुपयांवरुन थेट 18 हजार रुपये झालं आहे. तर राज्य सरकारने उच्च माध्यमिक/कनिष्ठ महाविद्यालयातील शिक्षणसेवकांचं यापूर्वी असलेलं मासिक मानधन 9 हजार रुपयांवरून 20 हजार रूपये केलं आहे.
शैक्षणिक अपडेट्स : राज्यातील अन्य शाळांतून आलेल्या विद्यार्थ्यांना शाळा स्थलांतरीत विदयार्थ्यांच्या प्रवेशा संदर्भात महत्वपूर्ण निर्णय घेण्यात आला आहे. सदर निर्णया नुसार कोणत्याही माध्यमाच्या शाळेत इयत्ता पहिली ते दहावीच्या वर्गामध्ये अन्य शाळांतून आलेल्या विद्यार्थ्यांना शाळा स्थलांतर प्रमाणपत्राअभावी ( टीसी ) नाकारला जाणार नाही . शालेय शिक्षण विभागाने मंगळवारी याबाबतचा शासन निर्णय जारी केला आहे.