शैक्षणिक-अपडेट

SSC HSC Exam 2023 : राज्य शिक्षण मंडळाकडून दहावी-बारावीच्या परीक्षा संदर्भात नुकतीच एक मोठी घोषणा करण्यात आली आहे. दहावी-बारावीच्या परीक्षा पूर्वीप्रमाणेच परीक्षा होणार असल्याची माहिती राज्य शिक्षण मंडळाकडून देण्यात आली आहे .
कोरोनामुळे माघील दोन वर्षे दहावी-बारावीच्या बोर्डाच्या परीक्षा पद्धतीमध्ये अनेक बदल करत विदयार्थ्यांना अनेक सवलती देण्यात आल्या होत्या. त्या सर्व सवलती आता रद्द करत, दहावी-बारावीच्या परीक्षा पूर्वीप्रमाणेच होणार आहेत.

बारावीची परीक्षा 21 फेब्रवारीपासून, तर दहावीची परीक्षा 2 मार्चपासून सुरु होणार आहे. या परीक्षेचे वेळापत्रकही बोर्डाने निश्चित केले आहे. राज्यातील दहावीचे 16.27 लाख, तर बारावीतील 14.43 लाख, असे सुमारे 31 लाख विद्यार्थी 6 हजार केंद्रांवर ही परीक्षा देतील. 1 फेब्रुवारीपासून बारावीच्या प्रात्यक्षिक परीक्षेला सुरुवात होणार आहे.

दरम्यान, कोरोना काळात विद्यार्थ्यांना अनेक सवलती देण्यात आल्या होत्या. मात्र, यंदाच्या परीक्षेत या सवलती रद्द करण्यात आल्या आहेत. यंदाच्या परीक्षेत नेमके काेणते बदल असतील, हे जाणून घेऊ या..

दहावी-बारावीच्या बोर्डाच्या परीक्षामध्ये बोर्डाने केलेले बदल

दोन पेपरमध्ये एक दिवस सुटी देण्यात येऊ शकते, त्यामुळे बोर्डाच्या सध्याच्या वेळापत्रकात बदल होऊ शकतो. परीक्षेची सुरवात वेळेवर होईल, मात्र काही पेपर मागे-पुढे होऊ शकतात.

तसेच यंदाची परीक्षा ही पूर्ण अभ्यासक्रमावर परीक्षा आसनार आहे. कोविड काळात सदर अभ्यासक्रम 25 टक्के कमी केला होता. आता संपूर्ण 100 टक्के अभ्यासक्रमावर दहावी-बारावीची परीक्षा होणार.

याशिवाय विद्यार्थ्यांना 80 गुणांच्या पेपरसाठी दिलेला वाढीव देण्यात आला होता. तोही रद्द होणार आहे. तसेच, 60-40 गुणांसाठी असलेली अधिकची 15 मिनिटांची सवलतही मिळणार नाही. मात्र, दिव्यांगांना असणाऱ्या सवलती कायम असतील.

कोविड काळातील परीक्षासाठीची ‘होम सेंटर’ रद्द

कोरोनाच्या प्रादुर्भाव मुळे माघील वर्षी गावोगावच्या शाळा- महाविद्यालयात दहावी-बारावीची परीक्षा झाली होती. मात्र, यंदा केंद्र शाळां वरतीच परीक्षा होणार आहेत. कोविड काळातील परीक्षासाठीची ‘होम सेंटर’ रद्द होणार आहेत.

शालेय विभागाने दहावी-बारावीच्या विद्यार्थ्यांच्या उपस्थितीबाबत मोठा निर्णय घेतला आहे. आता दहावी-बारावीच्या विद्यार्थ्यांसाठी शाळेत 75 टक्के उपस्थिती अनिवार्य करण्यात आली आहे. आतापर्यंत विद्यार्थ्यांसाठी हा नियम बंधनकारक नव्हता. मात्र, मार्च 2023 मधील परीक्षांसाठी विद्यार्थ्यांची 75 टक्के उपस्थिती असणं बंधनकारक असून, याची अंमलबजावणी काटेकोरपणे कारणे शाळांना बंधनकारक कारण्यात आले आहे.

कोविड नंतर शाळा – कॉलेज पूर्ववतपणे झाल्या असून, त्यामुळे सर्व नियम अटी आता शाळा प्रशासनाला व विद्यार्थ्यांना पाळावे लागणार आहे. शाळेत किमान 75 टक्के उपस्थिती असल्याशिवाय दहावी-बारावीच्या विद्यार्थ्यांना बोर्डाची परीक्षा देता येणार नाही. किमान 75 टक्के उपस्थिती असलेल्या विद्यार्थ्यांनाच परीक्षेची प्रवेशपत्रे दिली जातील. सर्व शाळा-महाविद्यालयांना शिक्षण विभागाने तसे आदेश दिले आहेत.

शालेय विभागाने या संदर्भात प्राचार्य, मुख्याध्यापकांना सूचना सूचना निर्गमित केल्या आहेत. शाळा-महाविद्यालयांचे प्राचार्य, मुख्याध्यापकांनी विद्यार्थ्यांच्या उपस्थितीच्या नियमाची काटेकोर अंमलबजावणी करावी. विद्यार्थ्यांच्या नियमित उपस्थितीबाबत शिक्षक, विद्यार्थी, पालकांना ही बाब निदर्शनास आणून द्यावी, असे निर्देश शिक्षण विभागाने दिले आहेत.

राज्यातील शालेय विद्यार्थ्यांसाठी आनंदाची बातमी आहे. शालेय विद्यार्थ्यांना पुस्तकांसोबतच वह्याही मोफत देण्याची घोषणा शालेय शिक्षणमंत्री दीपक केसरकर यांनी केली. पुढील शैक्षणिक वर्षापासून या निर्णयाची अंमलबजावणी केली जाणार असल्याची माहिती शालेय शिक्षणमंत्री दिपक केसरकर यांनी दिली आहे . यामुळे पालकांचा आर्थिक भार आणखीन कमी होण्यासाठी मदत होणार आहे.

सध्या बाजारातील वाह्यांचे दर पाहता पालकांना आपल्या मुलांसाठी दरवर्षी वह्या घेणं आर्थिक दृष्टीने परवडत नाही . त्यामुळे आधी पुस्तकासोबत वह्यांची पाने जोडणार असल्याचे मंत्री केसरकर यांनी म्हटलं होतं. मात्र, सदर प्रोसेस सोयीस्कर नसल्याने आता विद्यार्थ्यांना थेट वह्या मोफत देण्याची घोषणा शालेय शिक्षण मंत्राकडून कारण्यात आली आहे.

राज्यातील 20 पेक्षा कमी पटसंख्येच्या शाळा बंद करण्याचा निर्णय अपडेट ..

सध्या राज्यातील कमी पटसंख्येच्या शाळा बंद करण्याचा निर्णय शासनकडून जाहीर कारण्यात आला असून, त्यावर अनेक प्रतिक्रिया उमटत आहेत, या संदर्भात बोलताना केसरकर यांनी सांगितले की, राज्यातील 20 पेक्षा कमी पटसंख्येच्या शाळा बंद करण्याआधी तेथील विद्यार्थी व अतिरिक्त शिक्षकांची माहिती घेतली जाईल. त्यानंतरच तेथील शाळा बंद करण्याचा निर्णय होईल.

दरम्यान राज्यातील कमी पटसंख्येच्या शाळा बंद झाल्या, तरी तेथील विद्यार्थ्यांचे शेजारील जवळच्या शाळांमध्ये समायोजन केले जाईल. विद्यार्थ्यांना शाळा लांब पडत असल्यास त्यांच्यासाठी बसची व्यवस्था करण्यात येईल, अशी ग्वाही मंत्री केसरकर यांनी दिली.