Ek shetkari ek dp yojana: आपल्या शेतकरी बांधवांना नियमित आणि अखंड वीज मिळावी म्हणून ” एक शेतकरी एक डीपी योजना ” सरकारकडून सुरू करण्यात आली आहे. या योजनेअंतर्गत शेतकऱ्यांना ट्रान्सफॉर्मर उपलब्ध करून दिले जातात. म्हणजेच या योजनेच्या माध्यमातून शेतकऱ्याला स्वतंत्र ट्रान्सफॉर्मर मिळतो.
◾️स्वरूप व कार्यपद्धती –
एक शेतकरी एक डीपी योजने अंतर्गत शेतकऱ्यांना ट्रान्सफॉर्मर उपलब्ध करून दिले जातात. त्यासाठी शेतकऱ्यांना आपला हिस्सा द्यावा लागणार आहे. या योजनेंतर्गत डीपी मिळविण्यासाठी सामान्य श्रेणीतील शेतकऱ्यांना प्रति एचपी 7 हजार रुपये द्यावे लागतील. यासोबतच, अनुसूचित जाती आणि अनुसूचित जमातीच्या शेतकऱ्यांना 5000 रुपये प्रति हॉर्स पॉवर म्हणजेच प्रति एचपी खर्च करावे लागतील.Ek shetkari ek dp योजना
- हेही वाचाच : ऊसतोडणी यंत्राच्या अनुदान योजनेसाठी अर्ज सुरु , लाभार्थी निवड निकष व आवश्यक कागदपत्रे जाणून घ्या.
शेतकऱ्यांनी ही रक्कम भरल्यानंतर स्वतंत्र ट्रान्सफॉर्मरची अतिरिक्त किंमत राज्य सरकारमार्फत दिली जाते. या योजनेच्या संदर्भात, महावितरणच्या एका वरिष्ठ अधिकाऱ्याच्या म्हणण्यानुसार, दोन हेक्टरपेक्षा कमी जमीन असलेल्या शेतकऱ्यांना या योजनेंतर्गत सामान्य श्रेणीतील शेतकऱ्यांसाठी प्रति एचपी 7000 रुपये आणि एससी एसटी श्रेणीतील शेतकऱ्यांना 5000 रुपये खर्च करावे लागतील.
त्याचबरोबर या योजनेअंतर्गत 5 हेक्टरपेक्षा जास्त जमीन असलेल्या शेतकऱ्याला प्रति एचपी 11000 हजार रुपये खर्च करावा लागणार आहे. यानंतर डीपी उभारणीसाठी लागणारा खर्च महावितरणला राज्य सरकारमार्फत संबंधित शेतकऱ्यांना अनुदान म्हणून मंजूर करून दिला जातो. म्हणजेच उर्वरित खर्च राज्य सरकार उचलते.
जर SC/ST शेतकऱ्याकडे दोन हेक्टर जमीन असेल आणि त्याला या योजनेचा लाभ घ्यायचा असेल तर त्याला प्रति एचपी 5000 रुपये खर्च करावे लागतील. म्हणजेच तीन हॉर्सपॉवर म्हणजेच तीन एचपी क्षमतेचा ट्रान्सफॉर्मर बसवायचा असेल तर त्याला एकूण 15 हजार रुपये खर्च करावे लागतील.
तसेच सर्वसाधारण वर्गातील शेतकऱ्याकडे दोन हेक्टरपेक्षा कमी जमीन असल्यास त्याला प्रति हॉर्स पॉवर 7 हजार रुपये खर्च करावे लागणार आहेत. त्यामुळे जर त्याने तीन एचपीचा डीपी घेतला तर त्याला 21 हजार रुपये द्यावे लागतील आणि उर्वरित रक्कम सरकार देईल.
परंतु जर एखाद्या शेतकऱ्याकडे पाच हेक्टरपेक्षा जास्त जमीन असेल तर त्याला प्रति एचपी 11,000 रुपये खर्च करावे लागतील. म्हणजेच अशा शेतकऱ्यांनी तीन हॉर्स पॉवरचा डीपी घेतल्यास 33 हजार रुपये खर्च होतात.Ek shetkari ek dp yojana
◾️योजनेसाठी आवश्यक कागदपत्रे –
या योजनेंतर्गत लाभ मिळविण्यासाठी शेतकऱ्यांना इतर काही सरकारी योजनांप्रमाणे काही आवश्यक कागदपत्रांची पूर्तता करावी लागते.
1) अर्जदार शेतकऱ्याला आधार कार्ड
2) अर्जदार शेतकऱ्याचे पॅन कार्ड,
3) रेशन कार्ड
4) ज्या शेतकऱ्यांच्या नावे शेतजमीन आहे, अशा शेतकऱ्यांनाच या योजनेचा लाभ मिळणार आहे. यासाठी सात बारा उतारे आणि आठ अ उताऱ्यांची आवश्यकता असेल.
5) याशिवाय या योजनेंतर्गत अनुसूचित जाती-जमातीच्या शेतकऱ्यांना विशेष लाभ दिला जाणार आहे. यामुळे या गटांतर्गत येणाऱ्या शेतकऱ्यांना जात प्रमाणपत्र सादर करावे लागणार आहे.
6) याशिवाय शेतकरी बांधवांना आधारशी लिंक केलेला बँक खाते क्रमांक, पासबुकची प्रतही द्यावी लागणार आहे.
या योजनेचा ऑनलाइन अर्ज करण्यासाठी येथे क्लिक करा
महत्वाचे –
या योजनेबाबत अधिक माहितीसाठी शेतकऱ्यांनी महावितरणच्या कार्यालयाशी संपर्क साधून या योजनेबाबत इतर सक्षम अधिकारी, कृषी विभाग यांच्याशी संपर्क साधता येईल.