महाराष्ट्र राज्य माध्यमिक व उच्च माध्यमिक बोर्ड परीक्षा मंडळाकडून इयत्ता 12 वीचे पेपर सुरु झाले आहेत. 9 हजार 635 परीक्षा केंद्रे असून, 14 लाखांपेक्षा अधिक विद्यार्थी बारावीची परीक्षा देत आहेत. दरम्यान बारावीची परीक्षेत इंग्रजी विषयाच्या पेपरमध्ये 1 गुणांचा प्रश्न चुकीच्या पद्धतीने विचारण्यात आला होता. त्यामुळे विद्यार्थ्यांना तो प्रश्न सोडवताना अडचणी आल्या होत्या.
विद्यार्थ्यांनी थेट बॉर्डकडे तक्रार केल्याने आता त्या एका प्रश्नाचा 1 गुण विद्यार्थ्यांना मिळणार असे महाराष्ट्र राज्य माध्यमिक आणि उच्च माध्यमिक मंडळाकडून सांगण्यात आले आहे.
दरम्यान तक्रारी नंतर बोर्ड अधिकाऱ्यांच्या झालेल्या बैठकीनंतर ज्या विद्यार्थ्यांनी प्रश्नपत्रिकेत प्रश्न क्रमांक 1) A) 5 हा प्रश्न सोडवण्याचा प्रयत्न केला. त्यांना बोर्डाकडून एक गुण अधिकचा दिला जाणार असल्याचे सांगण्यात आले आहे. त्यामुळे विदयार्थ्यांना दिलासा मिळाला आहे.